...&& يااااافـــــــــــــرحــــة ما تــــمت&&...

[color:1e5b=violet
سلااام ,,,

كييييف الأحواال ....؟؟؟

ان شاء الله بخير ,,

هاي اول موضوع لية بها القسم و كاتبة لكم مضاربة سارت لينا لمن رحنا جدة نتونس وما اتونسنا ,,,...

ندخل في الموضوع ...

الاسبوع الاول من الدراسة من بعد اجازة ما بين الترمين اهل ماما قررو نسافر كلنا مع بعض لجدة ,..

يوم الاربعاء رحنا الشلال >>الالعاب مافي احد ما يعرفها << .. المهم انو قعدنا نلعب

عادي ,,بس واحنا في الطابور حق صدام سيارات كان مرة زحمة واحنا >انا و بنات

و عيال خالاتي< كنا نبغا نلعب في نفس اللعبة بس ما كفت السيارات فسار بس احنا

البنات وعيال ما نعرفهم ... وكان الطابور فيلو شلة شباب اشكالهم مدري كيف

,, بعد مالعبو عيال خالاتي و خلصت اللعبة وهما جايين عندنا اخوية بس طالع

في ولد من دي الشلة ومشي جا الولد بسرعة يقولو ايش في تطااالع ؟؟

اخوية ...
خصرو ومشي علينا ,,

الولد لحقو وكرر نفس الكلام ..

اخوية اقووول دحين انتا جي تضارب معاية عشان بس طالعت فيك ؟؟؟؟؟؟؟؟؟

الولد وهوة مرتعب لالا اانا بس قلت ايش في ...

قام جا صاحب الولد ايوة نبغا نتضارب عندك شي ؟؟

اخوية انتا ارفع سروالك اول بعدين تعال اتكلم ...

وجا ولد خالتي (ح) يبغا يدعم عامر يعننو لانو كان في 3 عيال على اخوية ,,,

وفي واحد من اصحاب الولد قاعد يفرق بينهم يحليلو طيب ..

ودحين انا قلقانة لا يقلبوها بالايدي ,,, وانا في وسط هاذا القلق العارم

<<موضوع تعبير ساير>> اطالع الاقي ولد خالتي (ف) متنح وجالس يتفرج ..

انا : انتا يا**** جالس زي العبيط تتفرج روووح فك بينهم ...

ولد خالتي ها طيب ...

لمن راح الا واحد من العيال قام يسبنا و يقول كلام عننا ما اقدر اقولو لانو خادش

للحيا ,,,فراح (ف) دخل هوة كمان في المضاربة ,,...

انا في نفسي ايش دا دحين انا راسلتو عشان يفك بينهم على انو هوة العاقل يقوم يدخل في المضاربة ..

قمت فقد السيطرة وجلست ازعق قدام العالم ياااااهوووو خلاص فكونا اخصروهم ...

مو راضين لسا قاعدين يتضابو بالكلام ... وشوية بين ما كل واحد منشغل بخصمه

<<عز الله رحنا وطي بدي الفصحى>> واحد من العيال دف (ح) دفة

قوووووووووووووووووووووية خلتو يتشقلب مرتين <<قيد (ح) جسمو ضعيف >>

في دا الوقت انا زعقت وخلاص شوية وابكي ...لمن دف الولد (ح) كلهم اتشجعو

يضربو عيال خالاتي واخوية فراح واحد مسك اخوية وضربو ورماه على الزبالة

الكبيرة <<الله يكرمكم >> فمن قوة الضربة الزبالة طاااارت وكان في حرمة ورجال

جالسين جنب المضاربة ولا كنو قاعد يسير شي ...

انا كنننت خلاص ببكي لمن رما اخوية فلتها وبكيت ...

الولد كان مسدح اخويةعالأرض وقعد فوقو وجااااالس يضررررررررررررررب في

>>الولد دبة ما شاء الله << انا ما كنت شايفة اخوية ومن قوة الضربات حسيت انو

اخوية راح يمووت ... وكل العالم الي في الشلال اتلمو يفكو المضاربة مافي فايدة ...

وكمان ولد خالتي (ح) كان فوقو ولدين طايحين فيلو ضرب و(ف) قاعد يتضارب هوة

كمان مع واحد ... قامت بنت خالتي الصغيرة (م) راحت للي فوق اخوية من ورا

ومسكتو من شعروووو وشدتووووو على ورا الولد مو قاد يقاوم لمن قام الولد بنت

خالتي شردت و(ع) قام يضررررب في بعد ما شبع منو طالع لقا (ح) قاعد يتضرب

من ولدين فراح من العصبية مسك من ديك اللوحات الي في الزرع <<حقت لا

تقطفو الازهار مدري ايش مكتوب >> ومسكها من الطرف المحدد زي السهم ورايح

يبغا يضرب الولدين بيها انا مدري ايش صار لية

انا يااااااااااااا (عاااا) ياااا***** الله يخليك لا تموتو وتودينا في دهية يا **** يا (عااا) ,,,

ورحت مسكتووو وحضنتووو عشان ما يفلت مني بس فلت وراح هنا الي كان قاعد في الطاولة مع الحرمة قام من الخوف ...

والكل مسك اخوية وشالو الخشبة منو بس هوة مسك الي قاعد يضرب (ح) و ضربو على[/color]

<<[color=white]المنطقة الحساسة >>خخخ لمن (ع) كان يبغا يضرب الولد جالو واحد من ورا

يبغا يضربو قام (ف) مسك الي جالو من ورا وقعد يضرب في ...

وبنت خالتي من الخوف مسكت واحد من الأولاد من يدو وقاعدة تقول لو
خلاص الله يخليك خلاص روحو قول لأصحابك يروحو امانة ..

والولد متنح فيها مو عارف ايش يسوي خخخخخخخخخخخ....

بعدين العيال شردو لانهم سمعو كلمة أمن بس عيال خالاتي راحو يبغا يلحقوهم وانا

كنت ببكي من كل قلبي فجاتني بنت خالتي وحضنتني وقاعدة تهديني ..

بنات خالاتي التانين ما قصرو لحقو عيال خالاتي وقالولهم كفاية خلاااص مالنا فيهم

خلو المضاربة تنتهي بس الي يشغل اللعبة راح مسكهم ووداهم عند الامن واحنا

في الطريق نبغا نروح عند الطاولة الي جالسين فيها امهاتنا نلاقيهم جيين لنا ... ماما
مرررة كانت خايفة وتسألني ايش صار

ماما ايش صار يا بنتتت

انا ماا ادري لا تساليني ...<<كنت ببكي >>

ماما وه قوليلي فهميني ..

انا ماماااااا اسألي (أ) ماني قادرة اتكلم ما اعرف ايييش صااار ..

ماما طيب خلاص لا تبكي اهدي ماصار شي ..

بعدين جو أبهاتنا من الصلاة و أبو (ح) شاف ولدو قاعد يبكي من قلبو <<والله ماينلام ماشفتو كيف انضرب>> راح على طوول سأل (ف) ايش الي سار ..لمن عرف انو

انضرب قام عصصصصصصصصصببببببببب وراح قلهم فين العيال ...

رحنا عند المدخل لقينا الأمن والي يشغل اللعبة و ولدين من الي اتضاربو راح ابو (ح)

فسخ العقال وقاعد يضرب الولد الي ضرب (ح) والأمن يفكووو وهوة وجهو صار احمر

ويزعقق ويسبب في العيال ..وبعدين هدي ..

كان في ولد خالتي الصغيرون امكن عمرو 5سنوات ..العيال ال*** ضربو كمان..

قام ابو قال للأمن دحين هادا ينضرب برأيك يعني..

وقعدو يتفاهمو انا مني سامعة ايش يقولو والظاهر انو ابو (ح) قالهم لو هما راحو

مين راح يعاقبهم .. قام الي يشغل اللعبة <<طفشتكم بي >> هدؤو وقلو انو هووة

شاهد باللي صار ..
ما كملت معاهم لانو خالاتي رجعوني الطاولة وهدوني ودلعوني ... لمن رجعو

الرجال هدو الاوضاع وجاهم رجال خلاهم يوقعو على شي مدري اوراق مدري ايش
هية ...

بعدين جلسنا نكمل لعب ونادينا (ح) يلعب معانا عشان نهدي بس ما رضي كان قاعد يدور شي و ماكان حلو اللعب زي قبل المضاربة .....

...

والي يقول منقولة بقول له انا كاتبتها في منتدى تاني وبإسم تاني

ان شاء الله عجبتكم ..[flash][/flash]

...**&& يااااافـــــــــــــرحــــة ما تــــمت&&**...

...&& يااااافـــــــــــــرحــــة ما تــــمت&&...